Многу Windows корисници се скептични кон префрлањето на Mac, најчесто поради стравот дека нема да можат да ги користат своите омилени апликации. Затоа ја составивме оваа листа на апликации кои што се најчесто употребувани од страна на Windows корисниците, а за кои има соодветна Mac верзија.

Најчестото прашање што го добивам како вработена во iZak е “Можам ли моите word/excel фајлови да ги отворам со Mac?”. Корисниците кои што најмногу работат со Microsoft Office се плашат дека нема да можат да ги отворат нивните стари фајлови. Тие корисници треба да знаат дека Microsoft нуди соодветна верзија на Office и за Mac, која што се состои од Entourage, Word, Power Point и Excel. Сите тие апликации изгледаат сосема исто како и Windows верзијата, со некои минимални измени во интерфејсот. Имате опција фајловите да ги зачувате во Mac Office верзија (пример .docx) или Windows верзија (.doc) како и Win 97 верзија.

2. Adobe CS3/CS4 – Adobe CS3/CS4 for Mac

За корисниците кои што се занимаваат со дизајн, најчесто побарувани апликации се Photoshop, Illustrator и InDesign. Исто како што Microsoft има направено Mac верзија од Office, така и Adobe редовно произведува Mac верзии од Creative Suite-от. Тоа значи дека ќе можете да продолжите да работите на истите фајлови кои претходно сте ги креирале на Windows. Исто како и Office, Mac верзијата од апликациите изгледаа сосема идентично со таа на Windows.

3. Firefox – Firefox for Mac

Додека Firefox станува еден од најкористените прелистувачи во светот, многу корисници нема да се помират со задолжително користење на Safari кој што е native прелистувач на Mac. Меѓутоа, Mozilla нуди Mac верзии на сите свои апликации, вклучувајќи ги и Firefox и Thunderbird.

4. Skype – Skype for Mac

За IM зависниците, Skype може да биде најчесто употребуваната апликација во текот на денот. Освен за нив, многу компании во светот, вклучувајќи ја и Македонија почнуваат да користат апликации како Skype за комуницирање со своите колеги/партнери/клиенти. Затоа не се грижете, постои и Mac верзија од Skype која е сосема идентична со Windows верзијата.

5. Y! Messenger – Y! Messenger for Mac

За помладите генерации кои што се зависни од IM и најчесто Yahoo Messenger, Yahoo нуди и Mac верзија од својот Messenger. За разлика од претходните апликации, Yahoo на Mac изгледа малку поинаку, и нуди помал број од опциите кои што ги има на Windows. Поконкретно ги нема опциите од видот на игри, заемно гледање на youtube видео, приказ на слика при постирање на линк и сл. Сепак, доколку не ви сметаат тие недостатоци, Yahoo е сеуште истиот Мessenger.

6. Winamp/Media Player – iTunes

За корисниците кои што се зависни од музика и видеа, најчесто користени апликации на Windows се Winamp(и foobar) и Windows Media Player(или VLC кој е под број 9 на листава). Една од најголемите убавини на native апликациите кои што ги добивате со Mac е iTunes. iTunes нуди одлични решенија за сортирање и чување на вашите медиа фајлови, како и менапџирање на вашиот iPod/iPhone. Со Genius mix, iTunes DJ, огромен број на радија и podcast-и, iTunes гарантирано ќе стане вашата омилена апликација.

7. Vuze – Vuze for Mac

Иако се водат многу војни во водите на пиратеријата, голем дел од народот сеуште користи торенти за да го симне најновиот филм или албум од интернет. Од пред некое време, Vuze(претходно познат како Azureous) стана еден од водечките торент клиенти, со масивен број на корисници. Меѓу другото, Vuze од секогаш нуделе и Mac верзија од својот клиент, која што изгледа феноменално.

8. VLC – VLC for Mac

Како што напоменав во претходна точка, VLC стана еден од најкористените медиа плеери со оглед на тоа што поддржува безброј аудио и видео кодеци (за разлика од Real Player, Quick Time и Win Media Player, каде за секое второ виде ви фали некој кодек). Иако VLC знае од време на време да фрли по некој random ерор, не треба да трошите време да барате кодеци и при тоа несакајќи да симнете некој вирус. VLC за Mac е одлична апликација, која што исто така нуди и VLC Remote апликација (доколку имате iPhone или iPod Touch и Wi-Fi по дома).

9. Smart FTP – CyberDuck

Доколку некој од вас се занимава со Web Дизајн, може да знаете колку е понекогаш потребен солиден и ефективен FTP клиент. Додека користев Windows, знам дека клиентот кој што нудеше најмногу беше SmartFTP. Доколку се префрлате на Mac, CyberDuck е одличното решение за вас. Покрај тоа што интерфејсот е премногу едноставен и интуитивен за користење, имате опција да си креирате Bookmarks, како и Sftp и Bonjour конекции.

10. mIRC – Colloquy или Linkinus

За нај old-school корисниците на интернет, mIRC (или слични останати irc клиенти) се неопходни за секојдневниот живот. Дали ви затребале книги, mp3-ки, совет околу програмирање или чисто лаф моабет, irc is the place to be. За таквите потреби, Linkinus е совршената опција за Mac корисниците. За жал Linkinus не е бесплатна апликација, што значи дека ако не ви се даваат пари, можете слободно да симнете Colloquy која е исто така многу добра Mac апликација за сите вас мирцаши.

11. NetBeans – NetBeans for Mac

Програмерите кои се зависни од Јава и NetBeans ќе сакаат да знаат дека Sun нуди и Mac верзија од NetBeans која што исто така е идентична со Windows верзијата. Искрено, некои апликации кои што сте ги креирале на Windows може и ќе треба да се сетираат за да работат Mac,  меѓутоа тоа се некои минимални промени.

12. WinZip/WinRar – StuffIt Expander

Меѓу останатите чести прашања е и прашањето “а zip архивите со што да ги отварам?”. OS X има врадена апликација која што се вика  Archive Utility која што се користи за отварање на zip архиви. Доколку ви е потребно повеќе од тоа, можете слободно да симнете StuffIt Expander, кој што отвара повеќе од 20 формати вклучувајќи zip, .exe, .rar, .arc, .tar, .cab, .sit, .sitx, .bin итн.

13. За се останато – Boot Camp или Paralells

За сите апликации кои што немаат соодветна Mac верзија, последниот избор ви е користењето на Windows како виртуелна машина, или пак на посебна партиција. Boot Camp е апликација која доаѓа со секој OS X и помага при сетирањето на Windows партиција, додека апликациите како Parallels или VM Ware можете да ги искористите за инсталирање Windows на виртуелна машина.